जम्मू-काश्मीरमध्ये दहशतवादी आणि सुरक्षा दलांमध्ये चकमक, दोन दहशतवादी ठार

जम्मू-काश्मीरमध्ये दहशतवादी आणि सुरक्षा दलांमध्ये सुरू असलेल्या चकमकीत बुधवारी जैश-ए-मोहम्मदचे दोन दहशतवादी ठार झाले. उधमपूरच्या बसंतगढ भागात ही चकमक सुरू आहे.

बसंतगढ परिसरात दहशतवादी लपले असल्याची गुप्त माहिती मिळाल्यानंतर निमलष्करी दल आणि पोलीस कर्मचाऱ्यांनी परिसराला वेढा घातला. यावेळी दहशतवाद्यांनी जवानांवर गोळीबार केला. याला प्रत्युत्तरादाखल सुरक्षा दलाकडून गोळीबार करण्यात आला. यात दोन दहशतवाद्यांचा खात्मा झाला.

चकमकीत ठार झालेले दोन्ही दहशतवादी जैश-ए-मोहम्मद संघटनेचे दहशतवादी होते. मिळालेल्या माहितीनुसार बसंतगढ परिसरात तीन ते चार दहशतवादी लपले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.