Mumbai News – लोअर परळमध्ये भरधाव कारची बाईकला धडक, एकाचा मृत्यू; दोघे जखमी

भरधाव कारने दुचाकीला धडक दिल्याने दुचाकीवरील एकाचा मृत्यू झाला तर दोघे जण जखमी झाले आहेत. मुंबईतील लोअर परळ येथील नवीन ब्रिजवळ रविवारी दुपारी 2 वाजण्याच्या सुमारास ही घटना घडली.

लोअर परळ ब्रिजजवळ सेनापती बापट मार्गाकडे जाणारी इलेक्ट्रीक कार दुचाकीला धडकली. सदर दुचाकी मातुल्य नाका सिग्नल जंक्शनवर उजवीकडे वळण घेत असतानाच कारने तिला धडक दिली. या धडकेत दुचाकीवरील तिघेजण गंभीर जखमी झाले.

आयुष कैलाश सिंग (20), शिवम कमलेश सिंग (22) आणि विशाल प्रेमबहादूर सिंग (21) अशी जखमींची नावे आहेत. तिघेही वरळी परिसरातील रहिवासी आहेत. घटनेची माहिती मिळताच पोलिसांनी तात्काळ घटनास्थळी धाव घेत तिघांनाही नायर रुग्णालयात नेले. मात्र डॉक्टरांनी आयुषला मृत घोषित केले. तर इतर दोघांवर रुग्णालयात उपचार सुरू आहेत, असे पोलिसांनी सांगितले.

याप्रकरणी एनएम जोशी मार्ग पोलीस ठाण्यात चालकाविरोधात गुन्हा दाखल करून त्याला ताब्यात घेतले आहे. मनीष चंद्रभानू सिंग (२५) असे कार चालकाचे नाव असून, कुर्ला येथील रहिवासी आहे. पुढील तपास पोलीस करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.