झगमगत्या विश्वात कधी काय होईल सांगता येत नाही. सध्या साऊथ फिल्मइंडस्ट्रीतील अनेक धक्कादायक बातम्या समोर येत आहेत. ज्यामुळे सर्वत्र खळबळ माजली आहे. नुकताच, हेमा समितीच्या अहवालाबाबत मल्याळम फिल्म इंडस्ट्रीतील अनेक रहस्य उघड झाली आहेत. अभिनेत्रींनी त्यांच्यावर झालेले अत्याचारांवर अनेक वर्षांनंतर आवाज उठवला. ज्यामुळे अनेक सेलिब्रिटी वादाच्या भोवऱ्यात अडकले आहेत. आता साऊथ फिल्मइंडस्ट्रीतील आणखी एक दिग्दर्शक वादाच्या भोवऱ्यात अडकणार असल्याची दाट शक्यता वर्तवण्यात येत आहे.
कन्नड सिनेमा निर्माते योगराज भट यांचे नाव चित्रपटाच्या शूटिंग सेटवर लाइटमनच्या मृत्यूमुळे चर्चेत आहे. दिग्दर्शकाच्या हलगर्जीपणामुळे काहीही चूक नसलेल्या लाइटमनचा धक्कादायक मृत्यू झाल्यामुळे सर्वत्र खळबळ माजली आहे. मिळालेल्या माहितीनुसार, योगराज भट यांच्यावर तक्रार देखील दाखल झाली आहे.
पोलिसांनी दिलेल्या माहितीनुसार, 3 सप्टेंबर रोजी योगराज एक सिनेमाचं शुटिंग करत होते. त्याच दरम्यान, एक मोठी दुर्दैवी घटना घडली. योगराज यांच्या टीममधील मोहन कुमार पायऱ्यांवरून पडल्यामुळे गंभीर जखमी झाली. पडल्यानंतर मोहन यांना तात्काळ रुग्णालयात दाखल करण्यात आले. पण रुग्णालयात गेल्यानंतर मोहन यांना मृत घोषित केलं.
लाइटमनच्या धक्कादायक मृत्यूनंतर योगराज यांच्या सिनेमाची शुटिंग बंद करण्यात आली आहे. योगराज भट यांच्याविरोधात पोलिसात तक्रार दाखल करण्यात आली आहे. एवढंच नाही तर, सुरक्षेबाबत निष्काळजीपणा केल्याप्रकरणी संचालकावर गुन्हा दाखल करण्यात आला आहे. या प्रकरणी योगराजशिवाय मृताच्या भावाने सहाय्यक दिग्दर्शक आणि चित्रपटाच्या निर्मात्याविरोधातही गुन्हा दाखल केला आहे. यानंतर पोलिसांनी या प्रकरणाचा तपास सुरू केला आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List