पत्नीला कामावर जाण्यास मनाई केली म्हणून तिच्या बॉसने पतीची हत्या केल्याची धक्कादायक घटना लातूरमध्ये उघडकीस आली आहे. आरोपीला देवणी पोलिसांनी अटक केली आहे. अमोल बिरादार असे आरोपीचे नाव आहे. आरोपीला देवणी न्यायालयात हजर केले असता त्याला तीन दिवसाची पोलीस कोठडी सुनावण्यात आली आहे.
काय आहे प्रकरण?
अमोल बिरादार याचे उदयगिरी येथे ड्राईव्हिंग स्कूल आहे. या ड्राईव्हिंग स्कूलमध्ये मयत प्रविणानंद लंके याची पत्नी काम करत होती. प्रविणानंदने पत्नीला तेथे काम करण्यास विरोध केला. यामुळे आरोपीने त्याच्या हत्येचा कट रचला.
आरोपीने मंगळवारी मध्यरात्री आरोपीला आपल्यासोबत वागदरी येथील सप्तगिरी बारमध्ये नेले. तेथे त्याला भरपूर दारू पाजली. मग त्याच्याशी भांडण काढले. नंतर त्याला कारमधून रोडवर उतरवले आणि कारने जोरात त्याला धडक दिली. यात प्रविणानंदचा मृत्यू झाला.
याप्रकरणी देवणी पोलीस ठाण्यात कलम 103 तथा 302 व एक बीएनएसप्रमाणे गुन्हा दाखल करण्यात आला आहे. अमोल बिरादार यास अटक करून न्यायालयात हजर करण्यात आले आहे. पुढील तपास येथील पोलीस निरीक्षक माणिकराव डोके, पोलीस हेडकॉन्स्टेबल विनायक कांबळे, नरेश उस्तुर्गे आणि गणेश बुजारे हे करीत आहेत.
.jpeg)
Comment List