Yavatmal News – नाल्याच्या आलेल्या पुरात पिकअप वाहन वाहून गेले, सुदैवाने चालक सुखरुप बचावला

मुसळधार पावसामुळे नाल्याला पूर आल्याने पिकअप वाहन वाहून गेल्याची घटना यवतमाळमध्ये घडली. सुदैवाने वाहन चालक यात सुखरूप बचावला आहे. वणी तालुक्यातील शिंदोला लगतच्या शेवाळा येथे बुधवारी सायंकाळी ही घटना घडली. या घटनेचा व्हिडिओ समोर आला आहे.

शेवाळावरून सावंगीच्या दिशेने वाहत असलेल्या नाल्यातून पिकअप वाहन मार्गक्रमण करीत होते. नाल्यात वाहन बंद पडले. वाहन चालकाने वाहन सुरू करून नाला पार करण्याचे प्रयत्न केले. मात्र, त्याचे हे प्रयत्न निष्फळ ठरले. प्रसंगावधान राखत चालक बाहेर पडला. उपस्थित नागरिकांनी वाहन पाण्यातून बाहेर काढण्याचे प्रयत्न केले. मात्र त्यांना यश आले नाही.

यवतमाळमध्ये मुसळधार पाऊस सुरू आहे. पावसामुळे नदी-नाले ओसंडून वाहत आहेत. नाल्यांना पूर आल्याने रस्तेही पाण्याखाली गेले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.