हायब्रिड कारवर 48 टक्के, तर इलेक्ट्रिक कारवर 5 टक्के जीएसटी बराच काळ राहणार, कार कंपन्यांना दिलासा मिळणे मुश्कील

हायब्रिड कार आणि इलेक्ट्रिक कारवरील लावलेला जीएसटी कमी करावा अशी मागणी मारुती सुझुकी व टोयोटा किर्लोस्कर या प्रमुख कंपन्यांनी केली आहे. परंतु हायब्रिड कारवर लावलेला 48 टक्के जीएसटी आणि इलेक्ट्रिक कारवर लावलेला 5 टक्के जीएसटी सध्या तरी कमी करण्यात येण्याची शक्यता धूसर असल्याचे दिसत असून हा जीएसटी कर आगामी काळात बराच काळ असाच राहू शकतो, असा अंदाज जी-2 चे शेरपा अमिताभ कांत यांनी वर्तवला आहे.

अमिताभ कांत यांनी मर्सिडीज-बेंज सस्टेनेबिलिटी डायलॉग इंडिया 2024 च्या एका पॅनेलीशी चर्चा करतानाही ही माहिती दिली. आमच्याकडे एक आलेख आहे. याअंतर्गत हायब्रिड कारवर 48 टक्क्यांच्या तुलनेत इलेक्ट्रिक कारवर केवळ 5 टक्के जीएसटी आहे. त्यामुळे हा कर बराच काळ असाच राहू शकतो. आम्ही हिंदुस्थानात खूप मोठय़ा प्रमाणात बॅटरी तयार करण्याला प्रोत्साहन देतो. हिंदुस्थानला 2070 पर्यंत कार्बनमुक्त करण्याचे लक्ष्य ठेवले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.