मानखुर्दमध्ये अल्पवयीन मुलावर लैंगिक अत्याचार, 22 वर्षांच्या नराधमाला अटक

मानखुर्दमध्ये सोमवारी एका 22 वर्षीय तरुणाने 12 वर्षांच्या मुलावर लैंगिक अत्याचार केल्याचा घृणास्पद प्रकार घडला. या प्रकरणी मुलाच्या आईने दिलेल्या तक्रारीवरून मानखुर्द पोलिसांनी गुन्हा दाखल करून आरोपीला अटक केली.

पीडित मुलगा आणि आरोपी मानखुर्दमधील एकाच परिसरात राहतात. सोमवारी संध्याकाळी दारूच्या नशेत असताना आरोपी मुलाला सोबत घेऊन एका निर्जनस्थळी गेला. तेथे त्याने मुलासोबत गैरपृत्य केले. मुलाने हा प्रकार घरी सांगितल्यानंतर त्याच्या संतप्त आईने पोलीस ठाणे गाठून तक्रार दिली. पोलिसांनी तत्काळ या प्रकरणी बलात्कार व पोक्सो अंतर्गत गुन्हा दाखल करून आरोपीला बेडय़ा ठोकल्या. पोलीस अधिक चौकशी करीत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.