महाराष्ट्र विधिमंडळाचे उत्कृष्ट संसदपटू पुरस्कार जाहीर, शिवसेनेचे सुनील प्रभू यांचा उत्कृष्ट भाषणासाठी होणार सन्मान

महाराष्ट्र विधिमंडळाच्या दोन्ही सभागृहांतील उत्कृष्ट संसदपटू, उत्कृष्ट भाषणांसाठीचे गेल्या सहा वर्षांमधील पुरस्कार जाहीर करण्यात आले आहेत. विधानसभेचा कार्यकाळ संपत आला असताना या पुरस्कारांसाठी मुहूर्त साधला गेला आहे. यात शिवसेना नेते व विधानसभेतील मुख्य प्रतोद सुनील प्रभू यांना उत्कृष्ट भाषणासाठीच्या पुरस्काराने गौरवण्यात येणार आहे. मंगळवार 3 सप्टेंबरला राष्ट्रपती द्रौपदी मुर्मू यांच्या हस्ते विधान भवनाच्या मध्यवर्ती सभागृहात या पुरस्कारांचे वितरण करण्यात येणार आहे.

2018-19 : विधानसभा : उत्कृष्ट संसदपटू – बाळासाहेब थोरात (काँग्रेस), डॉ. संजय कुटे (भाजप) उत्कृष्ट भाषण : नरहरी झिरवाळ (राष्ट्रवादी), पराग अळवणी (भाजप) विधान परिषद : उत्कृष्ट संसदपटू – नीलम गोहे , निरंजन डावखरे (भाजप) उत्कृष्ट भाषण : हुस्नबानू खलिफे (काँग्रेस), सुजितसिंह ठाकूर (भाजप) 2019-20 – विधानसभा : उत्कृष्ट संसदपटू – प्रकाश आबिटकर, आशिष शेलार (भाजप) उत्कृष्ट भाषण : सुनील प्रभू (शिवसेना), दिलीप मोहिते पाटील (राष्ट्रवादी) विधान परिषद : उत्कृष्ट संसदपटू – सतीश चव्हाण (राष्ट्रवादी), अनंत गाडगीळ (काँग्रेस) उत्कृष्ट भाषण : रामहरी रूपनवार (काँग्रेस), श्रीकांत देशपांडे (अपक्ष) 2020-21 : विधानसभा : उत्कृष्ट संसदपटू – अमित साटम (भाजप), आशिष जयस्वाल (अपक्ष), उत्कृष्ट भाषण : प्रताप सरनाईक, प्रकाश सोळंके (राष्ट्रवादी) विधान परिषद : उत्कृष्ट संसदपटू – प्रवीण दरेकर (भाजप), विनायक मेटे (शिवसंग्राम) विधान परिषद : उत्कृष्ट भाषण – मनीषा कायंदे , बाळाराम पाटील (शेकाप) 2021-22 : विधानसभा उत्कृष्ट संसदपटू संजय शिरसाट , प्रशांत बंब (भाजप), उत्कृष्ट भाषण – सरोज अहिरे (राष्ट्रवादी), सिद्धार्थ शिरोळे (भाजप). विधान परिषद : उत्कृष्ट संसदपटू – अनिकेत तटकरे, सदाभाऊ खोत (भाजप) उत्कृष्ट भाषण : गोपीकिशन बाजोरिया, विक्रम काळे (राष्ट्रवादी) 2022-23 : विधानसभा : उत्कृष्ट संसदपटू भरत गोगावले, चेतन तुपे (राष्ट्रवादी), समीर कुणावार (भाजप) उत्कृष्ट भाषण – यामिनी जाधव, अभिमन्यू पवार (भाजप).