नगर महानगरपालिका कर्मचाऱ्यांचा प्रलंबित सातवा वेतन आयोगाचा प्रश्न मार्गी लागावा यासाठी कर्मचारी युनियनच्या वतीने मागील सहा दिवसांपासून उपोषण सुरू आहे. मात्र झोपलेल्या सरकारला कर्मचाऱ्यांच्या मागण्यांकडे लक्ष द्यायला वेळ नाही. उपोषणकर्ते बाबासाहेब मुदगल, जितेंद्र सारसर, बाबासाहेब राशिनकर यांची तब्येत खालावली असल्यामुळे महापालिकेचे कर्मचारी आक्रमक झाले आहेत. सरकारला कोंडित पकडण्यासाठी कर्मचाऱ्यांनी सोमवारपासून शहरातील पाणी पुरवठा, स्वच्छता, फायर सुविधा, लाईट, आरोग्यसेवा बंद ठेवणार असल्याचा निर्णय घेतला आहे.
सातव्या वेतन आयोगाचा प्रश्नी तातडीने मार्गी लावावा यासाठी कर्मचाऱ्यांनी आक्रमक भुमिका घेत सोमवारपासून शहरातील सर्व सुविधा बंद ठेवणार असल्याचा निर्णय जाहीर केला आहे. मोठ्या संख्येने कर्मचारी उपोषणाला बसले आहेत. काही उपोषणकर्त्यांची तब्बेत खालावत चालली आहे. त्यामुळे कर्मचारी आक्रमक झाले आहेत. सोमवार पर्यंत आमचा प्रश्न मार्गी लागला नाही तर त्यानंतर अन्नासोबत पाण्याचा त्याग करण्यात येईल, असा इशारा उपोषणकर्ते बाबासाहेब मुदगल यांनी यावेळी दिला.
महापालिकेसमोर सातवा वेतन आयोगाचा प्रश्न मार्गी लागावा म्हणून युनियनचे अध्यक्ष बाबासाहेब मुदगल, जितेंद्र सारसर व बाबासाहेब राशिनकर हे उपोषणाला बसले असून आज सहाव्या दिवशी त्यांची तब्येत खालावली आहे. जितेंद्र सारसर व बाबासाहेब राशिनकर यांना उपोषण स्थळी सलाईन लावण्यात आली आहे. मात्र बाबासाहेब मुदगल यांनी सलाईन घेण्यास विरोध दर्शवला. उपोषणकर्ते बाबासाहेब राशिनकर यांचा बीपी वाढला आहे. त्याचबरोबर उपोषणकर्त्यांचे सुमारे 4 किलो वजन घटले असून शरिरातील साखरेचे प्रमाण सुद्धा कमी झाले आहे. त्यामुळे त्यांच्या जीवाला धोका आहे, असे आरोग्य विभागाने सांगितले.
.jpeg)
Comment List