जैन मंदिरातील चांदीच्या मूर्तीची चोरी; तांदुळजा येथील भरदुपारची घटना, दानपेटीतील पंचवीस हजारही लंपास

लातूर तालुक्यातील तांदूळजा येथील श्री १००८ शांतीनाथ दिगंबर जैन मंदिरातील दानपेटी व मूर्तीची चोरी झाल्याची घटना बुधवारी दुपारी १२ ते ४ दरम्यान घडली. चोरीच्या घटनेबाबत जैन समाजातील सर्व भाविकांनी व गावकऱ्यांनी नाराजी व्यक्त केली आहे. ट्रस्टचे सचिव राजेभाऊ अन्नदाते यांनी देवही असुरक्षित असल्याने खंत व्यक्त केली आहे.

तांदुळजा येथील छत्रपती शिवाजी महाराज चौकापासून काही अंतरावर मुरुड रोडवर शांतीनाथ दिगंबर जैन मंदिर आहे. या मंदिरामध्ये दानपेटी व पंचधातूची मूर्ती जी मूर्ती दीड किलो चांदीने मढवलेली होती. चोरट्यांनी ती मूर्ती व दानपेटीतील अंदाजे वीस ते पंचवीस हजार रुपये चोरून घेऊन गेले. या प्रकरणी मुरुड पोलीस स्टेशन येथे मंदिराचे ट्रस्ट अध्यक्ष अमोल देवधारे यांनी चोरी झाल्याचे कळवले घटनास्थळी मुरुड ठाण्याचे पोलीस व असता पोलीस उपनिरीक्षक नागरगोजे व तांदुळजा बीटचे पोलीस हेड कॉन्स्टेबल नानासाहेब जाधवर यांच्यासह इतर कर्मचाऱ्यांनी भेट देऊन पाहणी केली. दानपेटी मंदिराच्या बाहेर परिसरात टाकून देऊन आत मधील रक्कम घेऊन पोबारा केला. लातूर येथील ठसे तज्ञांच्या पथकास रात्री उशिरा पाचारण करण्यात आले होते. रात्री उशिरापर्यंत तज्ञांनी ठसे घेण्याचे काम करत घटनास्थळाची पाहणी केली.