छत्रपती शिवरायांचा पुतळा कोसळल्याप्रकरणी स्ट्रक्चरल कन्सल्टंट चेतन पाटील अटकेत, कोल्हापुरात झाली कारवाई

सिंधुदुर्ग जिल्ह्यात राजकोट किल्ल्यावरील छत्रपती शिवाजी महाराजांचा पुतळा कोसळल्याप्रकरणी एका स्ट्रक्चरल कन्सल्टंटला शुक्रवारी अटक करण्यात आली आहे.

कोल्हापूर गुन्हे शाखा आणि मालवण पोलिसांनी केलेल्या संयुक्त कारवाईत कोल्हापुरातील चेतन पाटील याला पहाटे अटक करण्यात आली. त्यानंतर त्यांची मालवण पोलीस कोठडीत रवानगी करण्यात आली.

या प्रकरणातील FIRमध्ये नाव असलेल्या पाटील यांनी यापूर्वी प्रकल्पासाठी स्ट्रक्चरल कन्सल्टंट असण्याचे नाकारले होते आणि त्यात आपला सहभाग नसल्याचा दावा देखील केला होता.

सिंधुदुर्गातील मालवण येथील राजकोट किल्ल्यावरील छत्रपती शिवरायांचा 35 फुटी पुतळा दुपारी 1 च्या सुमारास कोसळला. पंतप्रधान नरेंद्र मोदी यांच्या हस्ते त्याचे अनावरण झाल्यानंतर नऊ महिन्यांपेक्षा कमी कालावधीत ही घटना घडली. या घटनेचे पडसाद संपूर्ण राज्यात उमटले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.