अजित पवारांच्या सभेत मराठा आंदोलकांची घोषणाबाजी; पोलिसांशी झालेल्या झटापटीत चार जखमी

हिंगोली जिल्ह्यातील वसमत येथे अजित पवार यांच्या जनसन्मान यात्रेत मराठा आंदोलकांनी आरक्षणाच्या मागणीवरून प्रचंड घोषणाबाजी केली. निवेदन देण्यासाठी जाणार्‍या आंदोलकांना पोलिसांनी अडवल्याने गोंधळ झाला. यावेळी पोलिसांशी झालेल्या झटापटीत चार आंदोलक जखमी झाले.

वसमत येथे अजित पवारांच्या जनसन्मान यात्रेचे बुधवारी रात्री आगमन झाले. शहरात येताच अजित पवारांचे क्रेनच्या माध्यमातून गुलाबाचा हार घालून स्वागत करण्यात आले. अजित पवार सभास्थळी येताच महिला निघून गेल्या. त्यामुळे अर्धा मंडप रिकामा झाला. अजित पवार व्यासपीठावर येताच मराठा आंदोलकांनी आरक्षणाच्या मागणीसाठी घोषणा द्यायला सुरूवात केली. घोषणा देत आंदोलक निवेदन देण्यासाठी जात असताना पोलिसांनी अडवले. त्यामुळे गोंधळ उडाला. पोलीस आणि आंदोलकांमध्ये झटापट झाली. यात नंदकुमार सवंडकर, प्रल्हाद राखोंडे, देवराव राखोंडे आदी जखमी झाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.