पैशासाठी अजगर पकडून आणला, पण अजगराने गळाच घोटला

आजकाल झटपट पैसे कमवण्यासाठी कोण काय करेल याचा नेम नाही. पण कधी कधी पैसे कमवण्याचा हाच शॉर्टकट आयुष्याचा शॉर्टकट ठरतो. अशीच एक घटना झारखंडमध्ये घडली आहे. पैसे कमावण्यासाठी गळ्यात साप, अजगर अडकवणाऱ्या इसमाचा गळ्यातील अजगराने घात केला. अजगराने गळ्याभोवती वेटोळा घातल्याने गुदमरून 60 वर्षीय व्यक्तीचा मृत्यू झाला आहे.

हेमंत सिंग असे मयत इसमाचे नाव आहे. झारखंडमधील जमशेदपूर शहरातील मँगो परिसरात डिमना रोडवर ही घटना घडली. सिंगचा मृत्यू झाल्यानंतर अजगर परिसरात फिरत होता. मात्र सर्पमित्रांनी तात्काळ धाव घेत अजगराला पकडून वनविभागाकडे सुपूर्द केल्याचे आंबा पोलीस स्टेशनचे प्रभारी अधिकारी निरंजन कुमार यांनी सांगितले.

याप्रकरणी आंबा पोलीस ठाण्यात नोंद करण्यात आली आहे. आंबा पोलिसांनी मृतदेह शवविच्छेदनासाठी रुग्णालयात पाठवला. हेमंतच्या या कृत्याचा झारखंडमधील वाईल्ड लाईफ प्रोटेक्शन सोसायटीने समाचार घेतला आहे. सोशल मीडियावर हेमंतचा पोस्ट करत त्यांनी सबक असे म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.