Pune news – भय इथले संपत नाही, वळती येथे 17 दिवसात चौथा बिबट्या जेरबंद

आंबेगाव तालुक्यातील वळती येथील काटवान वस्तीत बिबट्याची दहशत संपलेली नाही. वनविभागाने लावलेल्या पिंजऱ्यात गुरुवारी पहाटेच्या सुमारास बिबट्या जेरबंद झाला. गेल्या 17 दिवसात चौथा बिबट्या येथे जेरबंद झाला आहे. अजूनही काटवान वस्ती, बिघे वस्ती येथे बिबट्यांचा संचार असून बिबट्यांचा कायमचा बंदोबस्त करण्याची मागणी ग्रामस्थांनी केली आहे.

काटवान वस्ती आणि बिघे वस्तीत गेल्या 17 दिवसाच चार बिबटे जेरबंद झाले आहेत. गुरुवारी सकाळी पकडण्यात आलेल्या बिबट्या हा एक-दीड वर्षांची मादी आहे. याआधी 12 ऑगस्ट रोजी पहिला बिबट्या जेरबंद झाला होता. त्यानंतर 18 ऑगस्टला बिबट्याचा बछडा आणि 25 ऑगस्टला तिसरा बिबट्या जेरबंद झालाहोता. त्यानंतरही या भागात बिबट्याचा वावर असल्याचे दिसून आल्यानंतर आणखी एक पिंजरा लावण्यात आला. त्यात सकाळी चारच्या सुमारास चौथा बिबट्या अडकला.

ही माहिती कळताच वनपाल प्रदीप कासारे, वनरक्षक बालाजी पोत्रे, ऋषिकेश कोकणे, संपत भोर, शरद जाधव, रेस्क्यू सदस्य विलास भोर, दत्तात्रेय राजगुरव, मनोज तळेकर यांनी बिबट्याला ताब्यात घेतले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.