महिला अत्याचार हे अक्षम्य पाप; मिंधे – फडणवीसांना मोदींनी बजावले

सरकार कुणाचंही असो, बलात्कारी आणि त्याचा बचाव करणाऱ्यांना कठोर शिक्षा व्हायलाच हवी

राज्यात बदलापूरसह विविध ठिकाणी घडलेल्या महिला, मुलींवरील अत्याचाराच्या घटनांबद्दल भाष्य करताना पंतप्रधान नरेंद्र मोदी यांनी मिंधे आणि फडणवीसांना कडक शब्दांत बजावले. सध्या घडलेल्या घटना पाहता महिलांचा राग मी समजू शकतो. त्यामुळे सर्वच पक्षांना आणि राज्य सरकारला सांगतो की, महिलांवरील अत्याचार हे अक्षम्य पाप आहे.

सरकार कुणाचंही असो, बलात्कारी आणि त्याचा बचाव करणाऱ्यांना कठोर शिक्षा व्हायलाच हवी, अशा शब्दांत पंतप्रधानांनी जळगाव येथील सभेत मिंधे सरकारचे अक्षरशः कान टोचले. सरकारे येतील- जातील परंतु, महिलांच्या चारित्र्याचे रक्षण व्हायलाच हवे. आपण एक समाज म्हणून, एक सरकार म्हणून त्यांचे संरक्षण करायला हवे, तेच आपले मोठे कर्तव्य आहे, असे मोदींनी सुनावले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.