लाडकी बहीण नको, सुरक्षित बहीण पाहिजे ! भरपावसात महाविकास आघाडीचे राज्यभरात आंदोलन

राज्यात महिलांवरील वाढत्या अत्याचाराच्या घटनांच्या पार्श्वभूमीवर शनिवारी मुंबईसह महाराष्ट्रात महाविकास आघाडीच्या वतीने मूक आंदोलन करण्यात आले. तोंडाला काळी पट्टी लावून आणि हातात काळे झेंडे घेऊन आपल्या लेकीबाळीच्या रक्षणासाठी हजारो नागरिक रस्त्यावर उतरले. महिलांची संख्या लक्षणीय होती. ‘आंधळे बहिरे महायुती सरकार…महिलांवर होतायत अत्याचार’, ‘लाडकी बहीण नको, सुरक्षित बहीण पाहिजे’ अशी जोरदार घोषणाबाजी यावेळी करण्यात आली.

चिमुकलीवरील अत्याचाराच्या विरोधात मराठवाडा रस्त्यावर

बदलापूरमध्ये चिमुकलींवर झालेल्या अत्याचारासह राज्यात महिलांवर दररोज होणाऱ्या अत्याचाराच्या विरोधात शुक्रवारी अवघा मराठवाडा रस्त्यावर उतरला. पाऊस पडत असतानाही उत्स्फूर्तपणे जनतेने सरकारच्या निर्लज्जपणाचा तीव्र निषेध केला. छत्रपती संभाजीनगर, जालना, परभणी, नांदेड, हिंगोली, बीडसह लातूर, धाराशिव जिल्ह्यातही महाविकास आघाडीच्या कार्यकर्त्यांनी हातात काळे झेंडे आणि तोंडाला काळी पट्टी बांधून चिमुकलीवरील अत्याचाराचा निषेध केला.

View this post on Instagram

A post shared by Saamana (@saamana_online)

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.