भाजप आमदार जयकुमार गोरे यांच्या ताफ्यातील गाडीनं दुचाकीला उडवलं; दोन तरुणांचा मृत्यू

भारतीय जनता पक्षाचे नेता आणि माण खटावचे आमदार जयकुमार गोरे यांच्या ताफ्यातील गाडीने दुचाकीला उडवले. या अपघातात एक तरुण जागीच ठार झाला तर दुसऱ्याचा उपचारांदरम्यान मृत्यू झाला.

मिळालेल्या माहितीनुसार, जयकुमार गोरे हे जनसंवाद दौऱ्यासाठी बोराटवाटी येथील निवासस्थानातून आपला ताफा घेऊन बाहेर पडले. या ताफ्यातील गाडीने दहिवडीजवळील बिदाल शेरेवाडी जवळ एका दुचाकीला उडवले.

शनिवारी सकाळी पावणे नऊच्या सुमारास हा अपघात झाला. यात एका तरुणाचा जागीच मृत्यू झाला, तर दुसऱ्याचा रुग्णालयात उपचारांदरम्यान मृत्यू झाला. रणजीत मगर आणि अनिकेत मगर अशी मृतांची नावे आहेत. हा अपघात एवढा भीषण होता की दुचाकीचा अक्षरश: चेंदामेदा झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.