जिल्हाधिकारी कार्यालयात तरुणाचे उर्मट वागणे, काही वेळातच घडली चांगलीच अद्दल

नगर जिल्हाधिकारी कार्यालयामध्ये येऊन जिल्हाधिकाऱ्यांच्या जागेमध्ये एका तरुणाने गाडी लावून नियमांचे उल्लंघन केले. त्यावर आक्षेप घेतल्यानंतरही तो उद्धटपणे वागत होता त्यानंतर जिल्हाधिकाऱ्यांनी त्याला चांगलीच अद्दल घडवत दंड भरायला लावला.

आज जिल्हाधिकारी कार्यालयामध्ये ज्या ठिकाणी जिल्हाधिकारी त्यांची स्वतःची गाडी लावतात त्या ठिकाणी आज दुसऱ्याची गाडी लावली होती. महाराष्ट्र शासन असा त्या गाडीवर उल्लेख होता जिल्हाधिकारी सिद्धाराम साली मठ हे जेवण झाल्यावर परत आल्यानंतर त्यांना या ठिकाणी गाडी दिसली. त्यांनी ती गाडी बाजूला करण्यास सांगितली मात्र संबंधित चालकाने त्यास नकार दिला.

त्या ठिकाणी असलेल्या कर्मचाऱ्यांनी तात्काळ याची दखल घेत गाडी काढण्यास सांगितले. त्यानंतर त्याने अरेरावीची भाषा करत उद्धटपणे उत्तरे दिली. त्यानंतर अधिकाऱ्यांनी तात्काळ वाहतूक शाखेला या संदर्भातली माहिती दिली. वाहतूक शाखेचे पोलीस कर्मचारी तात्काळ जिल्हाधिकारी कार्यालयात आले व त्यांनी संबंधित गाडी चालकाची चौकशी केल्यानंतर त्यांना या ठिकाणी संबंधित चालकाकडे लायसन्स नसल्याचे लक्षात आले व इतर काही बाबी त्यांच्याकडे कागदपत्राच्या नसल्यामुळे वाहतूक शाखेने त्यांना दंड ठोठावला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.