देवगडमध्ये नारळी पोर्णिमा उत्साहात साजरी; सागराला नारळ अर्पण

देवगडमधील देवगड बंदर येथे शासकीय नारळी पौर्णिमा उत्सव नारळ पूजनाने साजरा करण्यात आला. नारळाची विधीवत पूजा करत सागराला नारळ अर्पण करण्यात आला. या सणापासून कोळी बांधव मासेमारीला सुरुवात करतात. सागराला नारळ अर्पण करत खवळलेला समुद्र शांत होण्याची आणि मासेमारीसाठी जाणाऱ्या कोळी बांधवांच्या सुरक्षेसाठी समुद्राला साकडे घालण्यात येते.

या पूजेवेळी उद्योगपती नंदकुमार घाटे,महसूल नायब तहसीलदार श्रीकृष्ण ठाकूर, नायब तहसीलदार मोरे यांच्यासह अनेक मान्यवर ग्रामस्थ उपस्थित होते. देवगड बंदरासह पवनचक्की बीच,मळई, तारामुंबरी, मिठमुंबरी, कुणकेश्वर या समुद्रकिनाऱ्यांवरही सागराला श्रीफळ अर्पण करून नारळी पौर्णिमा उत्साहात साजरी करण्यात आली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.