विमानात CISF महिला शिपायाला चावली प्रवाशी महिला, पायलटने दाखवला बाहेरचा रस्ता

विमानातून प्रवास करताना एक महिलेने दोन सहप्रवाशांवर हल्ला केला आहे. तसेच एका CISF महिला शिपायाचा चावा घेतला आहे. पुण्यात ही घटना घडली असून या प्रकरणी महिलेविरोधात गुन्हा दाखल झाला आहे.

पुण्यातील लोहेगाव एअरपोर्टवरून दिल्लीसाठी विमान निघाले होते. तेव्हा एक महिला आपल्या पतीसोबत त्या विमानात गेली. तेव्हा एक बहीण भाऊ आपल्या मिळालेल्या सीटवर बसले होते. या सीटवरून या महिलेने या दोघांशी वाद घातला. त्यानंतर महिलेने या दोघांवर हल्लाही केला. तेव्हा केबिन क्रूने CISF च्या दोन महिला कॉन्स्टेबलला बोलावलं. ही महिला या कॉन्स्टेबलशीही वाद घालू लागली. त्यानंतर महिलेने कॉन्स्टेबल प्रियंका रेड्डी यांच्या कानशिलात लगावली आणि जोरदार चावा घेतला.

पायलटने या महिलेला दिल्लीला घेऊन जाण्यास नकार दिला. त्यानंतर या महिलेला पुन्हा एअरपोर्टवर आणले गेले आणि तिच्याविरोधात गुन्हा दाखल करण्यात आला.

ही महिला गृहिणी असून तिचा पती सॉफ्टवेअर इंजिनीअर आहे. एका नातेवाईकाच्या अंत्यसंस्काराठी हे जोडपं पुण्याहून दिल्लीला निघालं होतं.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.