इटलीच्या सिनरचा ऐतिहासिक विजय

इटलीच्या यानिक सिनरने पुरुष एकेरीच्या उपांत्यपूर्व फेरीत रशियाच्या आंद्रे रुबेलवर 4-6, 7-5, 6-4 असा रोमहर्षक विजय मिळवित सिनसिनाटी ओपन टेनिस स्पर्धेत आगेकूच केली. या स्पर्धेची उपांत्य फेरी गाठणारा तो इटलीचा पहिलाच खेळाडू ठरला, हे विशेष.

आता सिनरच्या मार्गात जर्मनीच्या अलेक्झांडर ज्वेरेवचा अडथळा असेल. झ्वेरेवने अमेरिकेच्या बेन शेल्टनचा 3-6, 7-6, 7-5 असा पराभव केला. याच ज्वेरेवने सिनरला मागील चार लढतींत पराभूत केलेले आहे. याचबरोबर पोलंडच्या ह्यूबर्ट हर्काजने पोटरीचा स्नायू दुखावला गेल्याने माघार घेतली. त्यामुळे अमेरिकेच्या फ्रान्सिस टियाफो याला पुढे चाल मिळाल्याने तो सलग दुसऱ्या वर्षी उपांत्य फेरीत गेला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.