रक्षाबंधनासाठी गावी चालले होते, वाटेतच काळाने घाला घातला अन् राखी बांधण्याआधीच भाऊ कायमचे दुरावले

ओव्हरटेकच्या नादात भरधाव बसने पिकअप वाहनाला धडक दिल्याने भीषण अपघाताची घटना उत्तर प्रदेशातील बुलंदशहरमध्ये घडली. या अपघातात 10 जणांचा जागीच मृत्यू झाला तर 27 जण जखमी झाले आहेत. बुडौन-मेरठ राज्य महामार्गावर हा अपघात घडला. जखमींना तात्काळ उपचारासाठी बुलंदशहर, मेरठ आणि अलीगढ येथील रुग्णालयात दाखल करण्यात आले. जखमींमध्ये महिला आणि मुलांचा समावेश आहे.

गाझियाबादमधील एका कंपनीत काम करणारे कामगार पिकअप वाहनाने रक्षाबंधनासाठी अलीगढजवळील त्यांच्या मूळ गावी चालले होते. मात्र रक्षाबंधन साजरा करण्याआधीच काळाने त्यांच्यावर घाला घातला. जिल्हाधिकारी चंद्रप्रकाश सिंह यांनी या वृत्ताला दुजोरा दिला आहे.

प्रत्यक्षदर्शींनी दिलेल्या माहितीनुसार, पिकअप व्हॅन गाझियाबादहून संभलकडे चालली होती. भरधाव वेगात असलेल्या खासगी बसने दुसऱ्या वाहनाला ओव्हरटेक करण्याच्या प्रयत्नात पिकअप व्हॅनला धडक दिल्याने हा अपघात झाला. अपघातात पिकअप व्हॅनचा चक्काचूर झाला तर बसच्या पुढच्या भागाचेही नुकसान झाले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.