चर्चगेट-विरार AC ट्रेनमध्ये प्रवाशांकडून TTE ला मारहाण, व्हिडिओ सोशल मीडियावर व्हायरल

विनातिकिट प्रवास करणाऱ्या प्रवाशाकडे दंड मागितल्याने चर्चगेट-विरार एसी लोकलमध्ये टीटीईला मारहाण केल्याची घटना शुक्रवारी घडली. या मारहाणीचा व्हिडिओ सोशल मीडियावर व्हायरल झाला आहे. मारहाणीत टीटीई जसबीर सिंग यांना किरकोळ दुखापत झाली आहे. घटनेनंतर जीआरपी आणि आरपीएफने मारहाण करणाऱ्या प्रवाशांना रेल्वेतून बाहेर काढत दंड भरायला लावला. तसेच सिंग यांची माफीही मागायला लावले.

काय घडलं नेमकं?

अनिकेत भोसले हा प्रवासी शुक्रवारी चर्चगेट ते विरार एसी लोकलने प्रवास करत होता. यावेळी टीटीई जसबीर सिंग यांनी भोसलेला तिकिट दाखवण्यास सांगितले. भोसले याने दाखवलेले तिकिट अवैध असल्याचे लक्षात आल्यावर सिंग यांनी त्याला भारतीय रेल्वे नियमानुसार दंड भरण्यास सांगितले. मात्र भोसलेने दंड भरण्यास नकार दिला. यावरुन सिंग आणि भोसले यांच्यामध्ये बाचाबाची झाली.

S. Jasbir Singh A Ticket Collector Was Assaulted By 3Passengers In A Local Train In Mumbai After He Asked For Tickets
After Finding They Are Widout Ticket TC Told Them To Pay Fine, They Torned His Shirt, Injured Him.

People Were Busy Making Video Instead Of Saving Old TC.#shame pic.twitter.com/XyKoA5Vfow

— ਹਤਿੰਦਰ ਸਿੰਘ (@Rajput131313) August 17, 2024

गाडी बोरीवली स्थानकात येताच सिंग यांनी भोसलेला खाली उतरण्यास सांगितले. मात्र भोसले आणि इतर प्रवाशांनी सिंग यांना मारहाण करण्यास सुरुवात केली. तसेच सिंग यांना अपशब्द वापरले, त्यांचा शर्ट फाडला. यानंतर जीआरपी आणि आरपीएफने तात्काळ धाव घेत मारहाण करणाऱ्या प्रवाशांना बाहेर काढले. आरोपींना सिंग यांची माफी मागायला लावली. तसेच आोरपींनी लेखी माफीही दिली आणि नियमानुसार दंडही भरला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.