प्रसिद्ध टीव्ही अभिनेत्री श्वेता तिवारी कायम तिच्या खासगी आणि प्रोफेशनल आयुष्यामुळे चर्चेत असते. श्वेता तिवारी स्वतःच्या खासगी आयुष्याबद्दल चाहत्यांना अनेक गोष्टी सांगत देखील असते. श्वेता हिचं पहिलं लग्न राजा चौधरी याच्यासोबत झालं होतं. पण दोघांचं लग्न फार काळ टिकलं नाही. अखेर 2007 मध्ये श्वेताने घटस्फोटाची घोषणा केली आणि लेक पलक तिवारी हिच्यासोबत राहू लागली. सांगायचं झालं तर, घटस्फोटादरम्यान श्वेताने पहिल्या नवऱ्यावर घरगुती हिंसाचाराचे आरोप लावले होते. पण अनेक वर्षांनंतर राजा याने मुलाखतीत श्वेता आणि लेक पलक यांचं कौतुक केलं. शिवाय पलक आणि इब्राहिम अली खान यांच्या नात्याबद्दल देखील मोठं वक्तव्य केलं होतं.
एका जुन्या मुलाखतीत राजा चौधरी म्हणाला होता की, ‘पलक एक आत्मविश्वासू मुलगी आहे. माझ्यासमोर ती एक चिमुकली मुलगी होती. पण आता सुंदर मुलगी झाली आहे. पलकला योग्यप्रकारे सर्वांसोबत बोलता येतं. ती जीममध्ये जाते… स्वतःला फिट ठेवते… शिवाय पलक कधी ड्रिंग किंवा धूम्रपान करत नाही…’ असं देखील राजा चौधरी म्हणाला होता.
मुलाखतीत राजा याने पहिली पत्नी श्वेता हिच्याबद्दल देखील मोठं वक्तव्य केलं होतं. ‘श्वेता एक व्यस्त आणि सिंगल मदर आहे. पण श्वेताने पलकला उत्तम संस्कार दिले आहे… जे दुसरं कोणी देऊ शकलं नसतं. ज्याने चांगलं काम केलं आहे, त्याला चांगलं म्हणायला हवं… श्वेताने चांगलं काम केलं आहे…’ असं देखील राजा चौधरी म्हणाला होता.
पुढे राजा चौधरी याला पलक आणि इब्राहिम अली खान यांच्या नात्याबद्दल देखील विचारण्यात आलं. ‘अशा चर्चा रंगत असतात, त्याचा काहीही फरक पडत नाही. पलक आता त्या वयात पोहोचली आहे. ती स्वतःचे निर्णय स्वतः घेऊ शकते… मी तिच्यासाठी आनंदी आहे… ती आनंदी आहे तर मी आनंदी आणि ती दुःखी आहे तर मी दुःखी…’ असं देखील राजा चौधरी मुलाखतीत म्हणाला.
पलक तिवारी हिच्याबद्दल सांगायचं झालं तर, अभिनेत्री कायम तिच्या खासगी आणि प्रोफेशनल आयुष्यामुळे चर्चेत असते. पलक हिने बॉलिवूडमध्ये देखील पदार्पण केलं आहे. अभिनेता सलमान खान स्टारर ‘किसी का भाई किसी की जान’ सिनेमातून अभिनेत्रीने बॉलिवूडमध्ये पदार्पण केलं आहे.
पलक सोशल मीडियावर देखील कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List