स्टारबक्सच्या नव्या सीईओला राहायला घर, फिरायला कार, वर्क फ्रॉम होम; पगार 9,48,61,57,900 रुपये

स्टारबक्स या प्रसिद्ध कॉफी कंपनीने ब्रायन निकोल यांची नवे सीईओ म्हणून नियुक्ती केली आहे. हिंदुस्थानचे लक्ष्मण नरिसिम्हन यांनी राजीनामा दिल्यानंतर निकोल यांची कंपनीने नियुक्ती केली आहे. कंपनीने निकोल यांना वार्षिक पॅकेज म्हणून 113 मिलियन म्हणजेच तब्बल 948 कोटी रुपये ऑफर केले आहे. निकोल यांच्या पॅकेजमध्ये 1 कोटी डॉलर साइन ऑन बोनस आणि 7.5 कोटी डॉलर इक्विटी दिली आहे. तसेच आर्थिक वर्ष 2024-25 साठी 2.3 कोटी डॉलरचे अतिरिक्त वार्षिक अनुदानदेखील दिले जाणार आहे.

ब्रायन निकोल यांना वार्षिक पगार 16 लाख डॉलर दिला आहे. 36 लाख डॉलर ते 72 लाख डॉलरपर्यंत परफॉर्मन्स बेस्ड इन्सेंटिव्ह दिले जाणार आहे. सॅलरी आणि इन्सेंटिव्ह त्यांच्या पॅकेजचा भाग आहे. ऑफर लेटरमध्ये युनिक अकोमोडेशनचाही उल्लेख आहे. नव्या सीईओला सर्व मिळून एकूण 113 मिलियन डॉलर म्हणजेच एकूण पगार 9,48,61,57,900 रुपये मिळणार आहे.

कार्यालयात येण्याची गरज नाही

निकोल यांच्यावर पैशांची खैरात करण्यात आल्यानंतर कंपनीने त्यांना कार्यालयात येणे सक्तीचे नाही, असे सांगितले. ते वर्क फ्रॉम होम करू शकतील. जर मीटिंगसाठी कार्यालयात यायचे असेल तर कंपनी त्यांच्यासाठी एक आलिशान कार आणि ड्रायव्हरचा खर्चसुद्धा कंपनी करणार आहे.