ISRO ची यशस्वी झेप, EOS-08 या पृथ्वी निरीक्षण उपग्रहाचे प्रक्षेपण

भारतीय अंतराळ संशोधन संस्था (ISRO) ने शुक्रवारी सकाळी 9.17 वाजता आंध्र प्रदेशमधील श्रीहरिकोटा येथील सतीश धवन अतंराळ क्रेंद्रातून SSLV (स्मॉल सेटलाइट लाँच व्हेइकल) च्या तिसऱ्या आणि अंतिम विकासात्मक EOS – 08चे यशस्वी प्रक्षेपण करण्यात आले.

ISRO ने अध्यक्ष एस. सोमनाथ यांनी याबाबत माहिती देत SSLV प्रक्रिया पूर्ण झाल्याची घोषणा केली आहे. या प्रेक्षपणामुळे इस्त्रो तंत्रज्ञान उद्योगाकडे प्रगतीचे पाऊल टाकत असल्याचे त्यांनी सांगितले.

SSLV-D3/EOS-08 Mission:

The third developmental flight of SSLV is successful. The SSLV-D3 placed EOS-08 precisely into the orbit.

This marks the successful completion of ISRO/DOS’s SSLV Development Project.

With technology transfer, the Indian industry and…

— ISRO (@isro) August 16, 2024

EOS-08 हा उपग्रह आहे. हा उपग्रह यु. आर. राव सॅटेलाइट सेंटरमध्ये विकसित करण्यात आला आहे. या उपग्रहामध्ये तीन पेलोड आहेत. इलेक्ट्रो ऑप्टिकल इन्फ्रारेड पेलोड (EOIR), SAC ग्लोबल नेव्हिगेशन सॅटेलाइट सिस्टम – रिफ्लेक्टोमेट्री पेलोड (GNSS-R), SAC आणि SiC UV Dosimeter, LEOS. या उपग्रहामध्ये नव्या प्रकारची प्रणाली असून, कम्युनिकेशन, बेसबँड, स्टोरेज आणि पोझिशनिंग पॅकेज, एम्बेडेड बॅटरी, Micro-DGA ( ड्युअल गिम्बल अँटिना), त्याचबरोबर सौर उर्जा आणि नॅनो स्टार सेन्सर, व ऑनबोर्ड तंत्रज्ञान प्रात्यक्षिकासारख्या सुविधा उपलब्ध करून देणार आहे.

इस्त्रोचे उपग्रह संचालक एम. अविनाश यांच्यामते, EOS-08 उपग्रहामध्ये 20 वेगवेगळ्या नवीन तंत्रज्ञानाचे प्रात्यक्षिक दाखविले जाणार आहे. यामध्ये डोसिमीटर पेलोड, रेडिएशन एक्सपोजर मोजण्याकरीता देखील साधन आहे, ज्याचा वापर गगनयान मोहिमेकरीता केला जाणार आहे.