अजित पवारांची बारामतीतून माघार?

अजित पवार यांनी बारामतीतून माघार घेण्याचे स्पष्ट संकेत दिले आहेत. बारामतीतून पुन्हा विधानसभेची निवडणूक लढण्यात रस नसल्याचे आज अजित पवार म्हणाले.

पुण्यात अजित पवार माध्यमांशी बोलत होते. यावेळी जय पवार यांना बारामतीतून उमेदवारी दिली जाणार का, असे विचारले असता बारामतीत मी सात-आठ वेळा निवडणुकीला उभा राहिलो आहे. मला तरी आता तिथून पुन्हा निवडणूक लढण्यात रस नाही. शेवटी लोकशाही आहे. लोक म्हणतील त्याप्रमाणे आमच्या पक्षाची संसदीय समिती त्याचा निर्णय घेईल. स्थानिक कार्यकर्ते आणि पक्ष संघटना जो निर्णय घेईल, तो आम्ही मान्य करू, असे उत्तर अजित पवार यांनी दिले.

दरम्यान, लोकसभा निवडणुकीवेळी माझ्याकडून थोडी चूक झाली. जे व्हायला नको होतं ते झालं. मी माझ्या बहिणीच्या विरोधात सुनेत्राला उभे करायला नको होते, असे विधान दोनच दिवसांपूर्वी अजित पवार यांनी केले होते. त्यानंतर त्यांनी आज बारामतीतून माघारीचे संकेत दिल्याने साऱ्यांच्याच भुवया उंचावल्या आहेत.

View this post on Instagram

A post shared by Saamana (@saamana_online)

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.