बुंदीचे लाडू खाल्ल्याने महिला न्यायाधीशाची तब्येत बिघडली; आठवडाभर रुग्णालयात राहिली, दुकानदारावर FIR दाखल झाली!

उत्तर प्रदेशमधील लखनऊ येथे खराब बुंदीचे लाडू खाल्ल्याने एका महिला न्यायाधीशाची तब्येत बिघडली. या न्यायाधीशांची तब्येत इतकी खालावली की आठवडाभर रूग्णालयात दाखल करण्याची पाळी आली. जवळपास आठवडाभर त्या रूग्णालयात दाखल होत्या. याप्रकरणी लाडू विकणाऱ्या दुकानदारावर गुन्हा दाखल करण्यात आला आहे.

मिळालेल्या माहितीनुसार, सदर प्रकरण लखनऊच्या गोमती नगरमधील एका प्रसिद्ध मिठाईच्या दुकानाचे आहे. या दुकानाविरोधात जिल्हा न्यायाधीशांनी एफआयआर दाखल केला आहे. मंजुळा सरकार असे महिला न्यायाधीशांचे नाव आहे. बुंदी खराब झालेले लाडू खाल्ल्याने त्या आजारी पडल्या होत्या, त्यामुळे त्यांना रूग्णालयात दाखल करावे लागले होते.

महिला न्यायाधीशांसोबतच त्यांची बहीण मधुलिका आणि मदतनीस अनिता यांचीही प्रकृती खालावल्याने न्यायाधीशांनी दुकानदाराविरोधात पोलिसांत तक्रार दाखल केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.