देशभरात आज 78 वा स्वातंत्र्यदिन साजरा केला जातोय. यानिमित्त सोशल मीडियावर अनेकांनी शुभेच्छा दिल्या आहेत. स्वातंत्र्यदिनानिमित्त अनेक सेलिब्रिटींनी पोस्ट लिहित चाहत्यांना शुभेच्छा दिल्या आहेत. तर काहींनी या दिनानिमित्त खास संदेशसुद्धा दिला आहे. यात अभिनेते अनुपम खेर, अक्षय कुमार, मोहनलाल, प्रभू देवा, अभिनेत्री आणि खासदार कंगना राणौत यांचा समावेश आहे. ‘आज आपल्या स्वातंत्र्यासाठी आपल्या भूतकाळातील अनेक ज्ञात आणि अज्ञात लोकांनी बलिदान दिलं आहे. ते लक्षात ठेवणं खूप महत्त्वाचं आहे’, असं अनुपम खेर यांनी लिहिलंय. त्यांनी सोशल मीडियावर एक व्हिडीओसुद्धा पोस्ट केला आहे.
‘स्वातंत्र्य हा एक शब्द नसून ती एक ओळख आहे. एक अशी ओळख ज्यामागे एक दीर्घ आणि कठीण संघर्ष आहे. एक असा संघर्ष जो आपल्या पूर्वजांनी जीव धोक्यात घालून लढला होता. हा लढा आपल्या अस्तित्वाचा लढा होता. हा लढा आपल्या स्वाभिमानाचा होता. मोकळ्या हवेत श्वास घेण्यासाठी ती सर्व धडपड होती. ज्यामुळे आज आपल्याला अभिमानाने जगण्याचा अधिकार मिळाला आहे’, असं खेर यांनी म्हटलंय. या व्हिडीओमध्ये त्यांनी जालियनवाला बाग हत्याकांडसुद्धा दाखवलं आहे. देशातल्या जनतेनं जे अत्याचार सहन केले, तेसुद्धा या व्हिडीओत पहायला मिळतंय. यासोबतच बदलत्या भारताचं रुपही व्हिडीओत पहायला मिळतंय.
अभिनेत्री आणि खासदार कंगना राणौत यांनीसुद्धा झेंडा फडकावताचा फोटो पोस्ट करत स्वातंत्र्यदिनाच्या शुभेच्छा दिल्या आहेत. अक्षय कुमारनेही तिरंग्यासोबत फोटो शेअर केला आहे. ‘आपला तिरंगा ध्वज सदैव उंच फडकत राहोल आणि आपलं हृदय नेहमी अभिमानाने भरलेलं असो. आपल्या स्वातंत्र्याला सलाम. तुम्हा सर्वांना स्वातंत्र्यदिनाच्या शुभेच्छा’, असं अक्षयने लिहिलंय. ‘पुष्पा’ स्टार अल्लू अर्जुननेही तिरंग्याचा फोटो पोस्ट करत चाहत्यांना शुभेच्छा दिल्या आहेत.
दाक्षिणात्य चित्रपटसृष्टीतील अनेक कलाकारांनीही चाहत्यांना स्वातंत्र्यदिनाच्या शुभेच्छा दिल्या आहेत. यात मोहनलाल आणि प्रभू देवा यांचाही समावेश आहे. मराठी चित्रपटसृष्टीतील प्रसिद्ध अभिनेत्री अमृता खानविलकरनेही सोशल मीडियावर एक व्हिडीओ पोस्ट केला आहे. यामध्ये ती तिच्या टीमसोबत गेट वे ऑफ इंडियासमोर डान्स परफॉर्म करताना दिसून येत आहे.
About The Author
.jpeg)
Comment List