नुसता पैसा गोळा करू नका, मुंबईकरांच्या सुविधांकडे पण लक्ष द्या! हायकोर्टाने उपटले महापालिकेचे कान

केवळ पैसे गोळा करू नका. मुंबईकरांना चांगल्या सुविधा देण्याकडे पण जरा लक्ष द्या, असे उच्च न्यायालयाने बुधवारी महापालिकेचे कान उपटले. पालिकेने ओसीशिवाय कोणत्याच इमारतीला परवानगी देऊ नये, म्हाडाने विकासकाकडून बँक गॅरेंटी घेतल्याशिवाय एनओसी देऊ नये, असेही न्यायालयाने बजावले आहे.

न्या. एम.एस. सोनक व न्या. कमल खाथा यांच्या खंडपीठासमोर ही सुनावणी झाली. खासगी कंपनी असल्यासारखे पालिकेने फक्त महसुलाकडे लक्ष केंद्रित करू नये. नागरिकांना सेवा देणे हेही पालिकेचे कर्तव्य आहे, अशी खंडपीठाने पालिकेची कानउघाडणी केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.