Mumbai Crime – लघुशंकेचा बहाणा करत पोबारा केला… अखेर पोलिसांच्या ताब्यात सापडला

अंधेरी परिसरातील डीएन नगर पोलीस स्टेशनच्या कोठडीतून फसवणुकीच्या गुन्ह्यात अटक करण्यात आलेला एक आरोपी लघुशंकेला जाण्याच्या बहाण्याने पोलिसांचा डोळा चुकवत पळून गेला होता. अखेर राजस्थानमधून त्याला अटक करण्यात आली.

पोलिसांनी दिलेल्या माहितीनुसार, 13 ऑगस्ट रोजी सकाळी आरोपी मोहम्मद कैफ इशर हुसेन हा लघुशंकेला जाण्याच्या बहाण्याने फरार झाला होता. आरोपीला पकडण्यासाठी पोलिसांनी तातडीने हालचाल केली आणि डीएन नगर पोलिसांसह गुन्हे शाखेच्या युनिट 9 ने आरोपीचा शोध सुरू केला. आरोपीला पकडण्यासाठी पोलिसांना 932 किलोमीटर इतके अंतर पार करत राजस्थान गाठावे लागले. अखेर राजस्थानमधील कोटा येथून आरोपी मोहम्मद कैफ इशर हुसेन याला अटक करण्यात पोलिसांना यश आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.