अभिनेत्री रिंकू राजगुरु तिच्या अभिनयासाठी ओळखली जाते. तिचा अभिनय प्रेक्षकांना भावतो. ‘सैराट’ हा तिचा पहिला सिनेमा तर सुपरडुपर डिट ठरला होता. या सिनेमात रिंकूने साकारलेली ‘आर्ची’ आजही प्रेक्षकांच्या मनात घर करून आहे. पण अभिनया व्यतिरिक्त तिला आणखीही काही गोष्टींची आवड आहे. रिंकूला वाचनाची आवड आहे. याशिवाय ती स्वत: लिहिते देखील… एका मुलाखतीदरम्यान रिंकूने तिने लिहिलेली कविता ऐकवली. रिंकूने ‘कमरा’ नावाची कविता लिहिली आहे. यात तिने तिच्या भावना व्यक्त केल्या आहेत.
रिंकूची ‘कमरा’ नावाची कविता
जब वो नहीं होता है…
तो वो खाली कमरा बहुत कुछ कहता है…
शायद उसके ना होने की एक वजह होगी की,
उसे मै महसूस करू
अपने अंदर झाककर देखूँ…
तो वो वहीं होता है मेरे भीतर,
सिर्फ किसी और के साथ
उसने शायद खो दिला है मुझे अब,
लेकीन मै खुद को पाती हूँ उसके साथ उसकी झुठी दुनिया में…
उसकी झुटी दुनिया मे खुदको पाना क्या सच्चाई है मेरी?
आज भी उस खाली कमरे को देखकर उसे महसूस करना अच्छाई है मेरी?
रिंकूची वाचनाची आवड…
रिंकू राजगुरुला वाचनाची आवड आहे. ती वेगवेगळी पुस्तकं वाचत असते. एका मुलाखतीदरम्यान रिंकूने तिच्या वाचनाच्या सवयीबद्दल सांगितलं. सकाळी उठलं की चहा वगैरे घेतला की मी वाचनाला सुरुवात करते. एखादं पुस्तक मी कितीही वेळ सलग वाचू शकते. पुस्तकं आता ऑडिओ स्वरूपातही मिळतात. पण मला तसं आवडत नाही. पुस्तक वाचण्याची एक वेगळी मजा आहे. मी पुस्तक माझ्या पद्धतीने वाचते. ते वाचताना मी माझ्या पद्धतीने ते इमॅजिन करते, असं रिंकू राजगुरु हिने सांगितलं.
एखादं पुस्तक आवडलं तर ते मी सलग रात्रभर देखील वाचू शकते. माझ्या बाबांनी मला ही सवय लावली आहे. तसंच नागराजदादा देखील काही पुस्तकं सुचवतो. ती मी वाचत असते. सध्या मुंबईत राहायला आल्यापासून मला वाचनासाठी भरपूर वेळ मिळतो, असं रिंकू म्हणाली.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List