गोवंडीत पूर्ववैमनस्यातून अल्पवयीन मुलाची हत्या

पूर्ववैमनस्यातून तिघांनी मिळून धारदार शस्त्रांनी वार करत एका 17 वर्षीय मुलाची निर्घृण हत्या केल्याची घटना गोवंडीतल्या शिवाजीनगर येथे घडली. याप्रकरणी शिवाजीनगर पोलिसांनी चौघांविरोधात हत्येचा गुन्हा दाखल केला. अहमद असे हत्या झालेल्या तरुणाचे नाव आहे. रविवारी संध्याकाळी तिघांनी मिळून अहमद याला शिवाजीनगरातील प्लॉट 25 येथे गाठले. तिघांनी मिळून अहमदच्या मान, डोके व पाठीवर वार करून गंभीर जखमी केले. जखमी अहमदला त्याच्या भावाने रुग्णालयात दाखल केले. मात्र त्याला मृत घोषित केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.