‘महाराष्ट्राची हास्यजत्रा’ हा छोट्या पडद्यावरील अत्यंत लोकप्रिय कार्यक्रम आहे. या कार्यक्रमातील प्रत्येक विनोदवीराने प्रेक्षकांच्या मनावर विशेष छाप सोडली आहे. केवळ देशातच नाही तर जगभरात या शोचे असंख्य चाहते आहेत. हास्यजत्रेतील कलाकार सोशल मीडियावर बऱ्यापैकी सक्रिय असतात. शूटिंगमधून त्यांना जेव्हा थोडा मोकळा वेळ मिळतो, तेव्हा ते चाहत्यांसाठी आवर्जून मजेशीर व्हिडीओ शूट करतात आणि सोशल मीडियावर पोस्ट करतात. असाच एक त्यांचा व्हिडीओ सध्या सोशल मीडियावर व्हायरल होत आहे. हास्यजत्रेचे कलाकार नुकतेच एकत्र जमले होते. त्यावेळी त्यांनी हा व्हिडीओ शूट केला. हा व्हिडीओ पोस्ट करताना त्यांनी तो न हसता बघण्याचं आव्हान नेटकऱ्यांना दिलं आहे. त्यावर अनेकांनी लाइक्स आणि कमेंट्सचा वर्षाव केला आहे.
सोशल मीडियावर सतत विविध ट्रेंड्स येत असतात. गेल्या काही दिवसांत असाच एक ट्रेंड चर्चेत होता, तो म्हणजे गायक कैलाश खेर यांच्या ‘सैय्यां’ या गाण्याचा सुरुवातीचा आलाप गाऊन दाखवणं. मित्र-मैत्रिणींच्या, ऑफिसमधल्या सहकाऱ्यांच्या, ट्रेनमधल्या प्रवासांच्या विविध ग्रुप्सने हा व्हिडीओ बनवला आणि सोशल मीडियावर पोस्ट केला. मग यात ‘महाराष्ट्राची हास्यजत्रा’ या शोचे कलाकार तरी कसे मागे राहतील? त्यांनीसुद्धा हा व्हिडीओ शूट केला आहे. ‘न हसता व्हिडीओ बघा..’ असं कॅप्शन देत निखिल बनेनं हा व्हिडीओ पोस्ट केला आहे.
प्रसाद खांडेकर, निखिल बने, वनिता खरा, नम्रता संभेराव, रसिका वेंगुर्लेकर, शिवाली परब, पृथ्वीक प्रताप, इशा डे, चेतना भट्ट, प्रियदर्शिनी इंदलकर यांसारख्या कलाकारांनी मिळून ‘सैय्यां’ या गाण्याचा सुरुवातीचा आलाप आपापल्या अंदाजाने गाण्याचा प्रयत्न केला आहे. मात्र प्रत्येकाचा अंदाज इतका विनोदी आहे की हा व्हिडीओ पाहताना तुम्हाला आपसूकच हसू येईल. ‘हसल्याशिवाय राहणार नाही’, अशी कमेंट एका युजरने केली. तर ‘पोट धरून हसलो’ असं दुसऱ्याने म्हटलंय. अनेकांनी या व्हिडीओच्या कमेंट सेक्शनमध्ये हसण्याचे इमोजी पोस्ट केले आहेत. या व्हिडीओला आतापर्यंत लाखो व्ह्यूज आणि हजारो लाइक्स मिळाले आहेत.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List