हिंसाचारग्रस्त मणिपूरमध्ये आणखी एक धक्कादायक घटना घडली आहे. कांगपोकपी जिल्ह्यात सायकुलचे माजी आमदार यामथोंग हाओकीप यांच्या घरात शनिवारी दुपारी बॉम्बस्फोट झाला. यात यामथोंग यांच्या पत्नी चारुबाला हाओकिप यांचा मृत्यू झाला. राज्यात हिंसाचार सुरू असतानाच ही घटना घडल्याने खळबळ उडाली.
यामथोंग हाओकिप यांनी 2012 आणि 2017 मध्ये काँग्रेसच्या तिकिटावर सैकुल येथून निवडणूक लढवली होती. 2022 च्या विधानसभा निवडणुकीपूर्वी त्यांनी भाजपमध्ये प्रवेश केला.
यामथोंग यांच्या घराच्या आवारातील कचऱ्यामध्ये आयईडी बॉम्ब ठेवण्यात आला होता. यामथोंग यांच्या पत्नी कचरा जाळला असता त्यातील बॉम्बचा स्फोट झाला. या स्फोटात चारुबाला यांचा मृत्यू झाला. सुदैवाने इतर कुणालाही दुखापत झाली नाही.
याप्रकरणी अद्याप कुणालाही अटक करण्यात आली नाही. दरम्यान, कौटुंबिक वादातून हा बॉम्बस्फोट घडवून आणल्याचा संशय आहे. यामथोंग यांनी काकांच्या नातवाच्या शेजारी जमीन खरेदी केली होती. याच जमिन खरेदीच्या वादातून स्फोट घडवल्याचा संशय असून त्यादृष्टीने पोलीस अधिक तपास करीत आहेत.
.jpeg)
.jpeg)
Comment List