Nagar News – पोलीस ठाण्यात कॉन्स्टेबलने केला आत्महत्येचा प्रयत्न, प्रकृती चिंताजनक

भिंगार कॅम्प पोलीस ठाण्याचे पोलीस कॉन्स्टेबल प्रवीण जगताप यांनी पोलीस ठाण्याच्या परिसरात विषारी औषध घेऊन आत्महत्या करण्याचा प्रयत्न केला. या प्रकारामुळे एकच खळबळ उडाली आहे.

पोलिसांनी दिलेल्या माहितीनुसार, सदर प्रकार शनिवारी (10 ऑगस्ट) रात्री 9 च्या सुमारास भिंगार कॅम्प पोलीस ठाण्यात घडला. पोलीस कॉन्स्टेबल प्रवीण जगताप यांना तात्काळ जिल्हा रुग्णालयात दाखल करण्यात आले. त्यानंतर जगताप यांना खासगी रुग्णालयात दाखल करण्यात आले आहे. त्यांची प्रकृती चिंताजनक असून त्यांच्यावर उपचार सुरू आहेत. घटनेची माहिती मिळताच अप्पर पोलीस अधिक्षक प्रशांत खैरे, भिंगार कॅम्प पोलीस ठाण्याचे सहाय्यक पोलीस निरीक्षक योगेश राजगुरू यांनी जिल्हा रुग्णालयात धाव घेत जगताप यांची विचारपूस केली. प्रवीण जगताप यांनी आत्महत्या करण्याचा प्रयत्न करण्यामागचे कराण अजून समजलेले नाही. अधिक तपास पोलिसांच्या माध्यमातून सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.