दिल्लीत इमारत कोसळली; ढिगाऱ्याखाली अनेकजण दबल्याची शक्यता

दिल्लीतील मॉडेल टाऊन परिसरात एक इमारत कोसळल्याची घटना शनिवारी घडली. ढिगाऱ्याखालून तीन जणांना बाहेर काढण्यात आले असून त्यांना रुग्णालयात दाखल करण्यात आले आहे. जखमींपैकी दोघांची प्रकृती गंभीर आहे. ढिगाऱ्याखाली अनेक जण दबल्याची शक्यता आहे. घटनेची माहिती मिळताच अग्नीशमन दल, बचाव पथक घटनास्थळी हजर झाले. घटनास्थळी बचाव कार्य सुरु आहे.

मिळालेल्या माहितीनुसार, सदर इमारत जीर्ण झाली होती. यामुळे शनिवारी मुसळधार पावसामुळे ही इमारत कोसळली. दिल्लीत गेल्या काही दिवसांपासून सतत पाऊस कोसळत आहे. पावसामुळे दिल्लीतील अनेक भागात पाणी साचले आहे. तसेच ट्रॅफिक जॅमनेही दिल्लीकर हैराण झाले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.