Nanded News अशोक चव्हाण यांना धक्का; डी. पी. सावंत यांनी सोडली साथ

लोकसभा निवडणुकीच्या तोंडावर काँग्रेसमधून भाजपमध्ये दाखल झालेले माजी मुख्यमंत्री अशोक चव्हाण यांना नांदेडमध्येच मोठा धक्का बसला आहे. अशोक चव्हाण समर्थक म्हणून ओळख असलेले माजी मंत्री डी. पी. सावंत यांनी कॉँग्रेससोबतच राहण्याचा निर्णय घेतला आहे. नांदेड उत्तरमधून त्यांनी विधानसभेची उमेदवारी मागितली आहे. यामुळे सावंत यांनी चव्हाण यांची साथ सोडल्याचे स्पष्ट झाले आहे.

अशोक चव्हाण यांनी भाजपमध्ये प्रवेश केल्यानंतर डी. पी. सावंत कॉँग्रेसमध्ये फारसे सक्रिय नव्हते. लोकसभा निवडणुकीतही ते कुणाच्या बाजूने प्रचार करताना दिसले नव्हते.

दरम्यान, अशोक चव्हाण यांचे नातेवाईक भास्करराव पाटील–खतगावकर यांनी त्यांच्या स्नुषा डॉ. मीनल पाटील यांना विधानसभेत उतरवण्याची तयारी सुरू केली आहे. भाजपचे विद्यमान आमदार राजेश पवार यांचा अडसर असून तिकीट न मिळाल्यास बंडाची शक्यता आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.