मुंबईतच घर हवे! गिरणी कामगार आज ऑगस्ट क्रांती मैदानावर धडकणार

गिरणी कामगारांचे संपूर्ण पुनर्वसन मुंबईतच झाले पाहिजे, राहिलेल्या वंचित गिरणी कामगारांना म्हाडाचा फॉर्म भरण्याची संधी द्यावी, या आग्रही मागणीसाठी गिरणी कामगार वारस संघर्ष सेवा समितीच्या नेतृत्वाखाली शुक्रवार 9 ऑगस्ट रोजी सकाळी 9 वाजता ग्रॅण्ट रोड येथील ऑगस्ट क्रांती मैदान येथे आंदोलन करण्यात येणार आहे. सर्वप्रथम ऑगस्ट क्रांती मैदान येथे हुतात्म्यांना अभिवादन करण्यात येणार आहे. त्यानंतर सरकारविरोधात ‘चले जाव’चा नारा देण्यात येणार आहे.

लाडकी बहीण योजना, लाडका भाऊ योजना यासारख्या योजनांवर मिंधे सरकार कोटय़वधींची उधळपट्टी करतेय, परंतु हजारो गिरणी कामगार अजूनही हक्काच्या घरापासून वंचित आहेत. गिरणी कामगारांच्या घरांसाठी कोणतीही ठोस पावले उचलत नाही. त्यामुळे सरकारला जाब विचारण्यासाठी गिरणी कामगार ऑगस्ट क्रांती मैदानावर धडकणार असल्याचे समितीचे अध्यक्ष आनंद मोरे यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.