आधी पोलिसाच्या डाव्या हाताच्या बोटाला धडक देऊन पळाला, नंतर केली मारहाण; अखेर झाली अटक

वाहनचालकाने वाहतूक पोलिसाला मारहाण केल्याची घटना मालाड परिसरात घडली. मारहाणप्रकरणी बांगूरनगर पोलिसांनी अजिंक्य मानेला अटक केली.

सचिन कानडे हे वाहतूक विभागात काम करतात. मंगळवारी रात्री कानडे आणि पोलीस हवालदार किणी हे काचपाडा सिग्नल येथे डय़ुटीला होते. काचपाडा सिग्नल येथे वाहतूक नियमन करत असताना अजिंक्य हा मोटरसायकल चालवत होता. मुव्ही टाइम सिनेमा येथून वळण घेऊन तो मीठ चौकीच्या दिशेने जात होता. तेव्हा किणी यांनी थांबण्यास सांगितले, मात्र तो न थांबता किणी यांच्या डाव्या हाताच्या बोटाला धडक देऊन पळून गेला. त्यानंतर माने काही वेळाने तेथे आला. त्याने किणीला शिवीगाळ करून मारहाण केली.

घडल्या प्रकरणाची माहिती बांगूरनगर पोलिसांना दिली. कानडे यांनी दिलेल्या तक्रारीवरून पोलिसांनी मानेला अटक केली. त्याला न्यायालयीन कोठडी सुनावली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.