विनेश फोगाटचं वजन वाढलं कारण सरकारचं वजन घटलं! नाना पटोलेंची पंतप्रधान मोदींना धोबीपछाड

हिंदुस्थानची कुस्तीपटू विनेश फोगाटला अपात्र ठरण्यात आल्याने विरोधी पक्षांनी संसदेत केंद्रातील सत्ताधारी मोदी सरकारला घेरले. केंद्र सरकार विरोधात घोषणाबाजी करण्यात आली. आता काँग्रेस प्रदेशाध्यक्ष नाना पटोले यांनी केंद्रातील मोदी सरकारवर निशाणा साधत धोबीपछाड दिली आहे. विनेश फोगाटसोबत राजकारण झाल्याचा आरोपही नाना पटोले यांनी केला आहे.

#WATCH | Mumbai: On Vinesh Phogat’s disqualification, Maharashtra Congress President Nana Patole says, “This is international level politics. Vinesh Phogat was very close to winning a gold medal for the country. The intention with which she has been removed is sports politics…… pic.twitter.com/cZ99T5hPLs

— ANI (@ANI) August 7, 2024

आंतरराष्ट्रीय स्तरावर राजकारण खेळलं गेलं. विनेश फोगाट सुवर्णपदकाला गवसणी घलणार होती. ज्या प्रकारे तिला हटवलं गेलं ते पाहता तिथे खेळात राजकारण केलं गेलं, असे नाना पटोले म्हणाले. देशाचा दबाव तिथे कमी पडतोय. आपल्या देशाच्या नेतृत्वाचा जागतिक स्तरावर काय प्रभाव आहे? हे माहिती नाही. पण विनेश फोगाटला हटवलं हे देशासाठी वेदनादायी आहे, असे ते पुढे म्हणाले.

ट्विट करण्यापेक्षा विनेश फोगाटला खेळण्याची संधी मिळेल यासाठी योग्य त्या ठीकाणी बोललं पाहिजे, असा टोलाही नाना पटोले यांनी पंतप्रधान मोदींना लगावला. पंतप्रधान मोदी यांनी ट्विट करून विनेश फोगाटचे मनोधैर्य वाढवण्याचा प्रयत्न केला. त्यावर काँग्रेस प्रदेशाध्यक्ष नाना पटोले यांनी ही प्रतिक्रिया दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.