हिंदुस्थानी महिलांचा टेबल टेनिसमध्ये ऐतिहासिक विजय

हिंदुस्थानच्या महिला टेबल टेनिस संघाने सोमवारी पॅरिस ऑलिम्पिकमध्ये ऐतिहासिक विजय संपादन केला. 11व्या मानांकित हिंदुस्थानी संघाने चतुर्थ मानांकित रोमानियाचा चुरशीच्या लढतीत 3-2 फरकाने पराभव करत हिंदुस्थानी महिलांनी उपांत्यपूर्व फेरीत धडक दिली. महिला संघाने ऑलिम्पिकच्या इतिहासात प्रथमच उपांत्यपूर्व फेरी गाठली हे विशेष.

श्रीजा अकुला व अर्चना कामथ या हिंदुस्थानी जोडीने रोमानियाच्या एडिना डियाकोनू व एलिजाबेत समारा या जोडीचा 11-9, 12-10, 11-7 असा पराभव करीत हिंदुस्थानला 1-0 अशी आघाडी मिळवून दिली. त्यानंतर हिंदुस्थानची स्टार बॅडमिंटनपटू मनिका बत्राने महिला एकेरीच्या लढतीत रोमानियाच्या बर्नाडेट स्जोक्स हिचा 11-5, 11-7, 11-7 असा धुव्वा उडवत हिंदुस्थानला 2-0 असे आघाडीवर नेले. मात्र, त्यानंतर महिला एकेरीच्या दुसऱया लढतीत हिंदुस्थानच्या श्रीजा अकुला हिला एलिजाबेत समाराने 8-11, 11-4, 7-11, 11-6, 11-8 असे पराभूत करीत रोमानियासाठी 1-2 असे अंतर कमी केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.