मनू भाकर समारोप सोहळ्यात हिंदुस्थानची ध्वजवाहक

यंदाच्या पॅरिस ऑलिम्पिकमध्ये हिंदुस्थानला दोन पदके जिंकून देणारी नेमबाज मनू भाकर हिला ऑलिम्पिकच्या समारोप सोहळ्यात हिंदुस्थानी पथकाची ध्वजवाहक होण्याचा बहुमान देण्यात आला आहे. हिंदुस्थान ऑलिम्पिक असोसिएशनचे (आयओए) एका वरिष्ठ अधिकाऱयाने ही माहिती दिली. हरयाणाच्या झज्जरमध्ये राहणारी मनू भाकरने पॅरिस ऑलिम्पिकमध्ये दोन पदके जिंकून इतिहास घडविला. तिने 10 मीटर एअर पिस्टलच्या महिला एकेरी व सरबज्योत सिंहच्या साथीत मिश्र दुहेरीत हिंदुस्थानला कांस्यपदक जिंकून दिले. त्यामुळे मनू भाकर ही हिंदुस्थानी पथकाची ध्वजवाहक होण्याची हकदार आहे, असे मत ‘आयओए’च्या पदाधिकाऱयांनी व्यक्त केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.