उच्च दाबाच्या तारेला डीजेचा स्पर्श, नऊ कावड यात्रेकरूंचा मृत्यू; सहा जण गंभीर जखमी

उच्च दाबाच्या तारेला डीजेचा स्पर्श झाल्यामुळे विजेचा जबर धक्का बसून नऊ कावड यात्रेकरूंचा मृत्यू तर सहा जण गंभीर जखमी झाले. बिहारमधील हाजीपूर येथे ही घटना घडली.

दरवर्षी श्रावण महिन्यात सोमवारी भाविक प्रचंड संख्येने कावड घेऊन हरिहरनाथ बाबाला जलाभिषेक करण्यासाठी जातात. रविवारी रात्री हाजीपूर येथून तरुणांचा जत्था कावडयात्रा घेऊन जलाभिषेकासाठी निघाला. सुलतानपूर गावात रात्री 12 वाजता डीजेचा उच्च दाबाच्या तारेला स्पर्श झाला. त्यामुळे डीजे असलेल्या वाहनात विजेचा प्रवाह उतरला आणि विजेचा धक्का बसून नऊ यात्रेकरूंचा मृत्यू झाला. या घटनेत सहा यात्रेकरू गंभीर भाजले असून हाजीपूरच्या रुग्णालयात त्यांच्यावर उपचार करण्यात येत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.