पुण्यात आणि नाशकात मुसळधार पाऊस, पुण्यात लष्कर मदतीला तैनात

पुण्यात आणि नाशिकमध्ये मुसळधार पाऊस सुरुच आहे. त्यामुळे अनेक ठिकाणी पाणी भरले आहे. पाऊस जर असाच सुरू राहिला तर पूर परिस्थिती निर्माण होईल अशी भिती व्यक्त केली जात आहे.

पावसाची संततधार असल्यामुळे खडकवासला धरणातून 35 हजार क्युसेकने पाण्याचा विसर्ग सुरू आहे. पुण्यातल्या एकता नगरमध्ये लष्कराच 105 जवान तैनात ठेवण्यात आले आहे. खडकवासला धरणात संध्याकाळी पाण्याचा विसर्ग वाढवला जाईल असेही सांगण्यात येत आहे. सिंहगड मार्गावर पाणी भरल्याने वाहतुकीला अडचण निर्माण झाली होती.

दुसरीकडे नाशिकमध्येही पावसाचा कहर सुरूच आहे. गंगापूर धरण 75 टक्के भरले असून या धरणातून विसर्गही सुरू आहे. नाशिकच्या गोदाघाटात पूरस्थिती निर्माण झाली आहे. प्रशासनाने नदीकाठच्या नागरिकांना सतर्कतेचा इशारा दिला आहे. इगतपुरी धरणाच्या साठ्यातही वाढ झाली असून धरण 85 टक्के भरले आहे. नाशिकमध्ये सोमश्वर धबधबा ओसंडून वाहत असून पर्यटकांनी गर्दी केली आहे. गर्दीवर नियंत्रण करण्यासाठी इथे पोलिस दाखल झाले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.