मुंबईत मुसळधार पावसाची शक्यता, हवामान विभागाकडून ऑरेंज अलर्ट

देशभरात पावसाने थैमान घातले आहे. उत्तराखंडमध्ये दरड कोसळली आहे, तर केरळमध्ये भुस्खलन झाले असून अनेकांचा जीव गेला आहे. मुंबईत मुसळधार पावसाची शक्यता हवामान विभागाने व्यक्त केली आहे. मुंबईला हवामान विभागाने ऑरेंज अलर्ट जारी केला आहे.

सातारा आणि पुण्याला हवामान विभागाने रेड अलर्ट जारी केला आहे. मुंबईत ढगाळ वातावरण राहिल तसेच कमाल तापमान 30 अंश तर किमान तापमान 25 अंश असेल असा अंदाज हवामान विभागाने व्यक्त केला आहे.

पुढच्या काही दिवसांत मुंबईत विजांच्या कडकडाटासह पाऊस पडेल असा इशारा हवामान विभागाने व्यक्त केला आहे. शनिवारी मुंबईत मुसळधार पाऊस पडला होता. आज रविवारीही मुसळधार पावसाची शक्यता वर्तवण्यात येत आहे. उद्या सोमवारी मुंबईत ढगाळ वातावरण राहिल असा अंदाजही हवामान विभागाने वर्तवला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.