संत नामदेव महाराज यांचा समाधी सोहळा आळंदीत साजरा; हरिनामाचा गजर

श्री संत ज्ञानेश्वर महाराज मंदिर विना मंडपात श्री संत नामदेव महाराज यांच्या पुण्यतिथीनिमित्त प्रतिमेला पुष्पहार अर्पण, प्रतिमा पूजन झाले. गणेश महाराज भगत यांची कीर्तन सेवा हरिनाम गजरात रुजू झाली.

गणेश महाराजांनी श्री संत नामदेव महाराज यांचे संपूर्ण महाराष्ट्रात नव्हे तर संपूर्ण देशामध्ये भागवत धर्माचा प्रचार आणि प्रसार केला. श्री संत नामदेव महाराज यांच्या हातून नैवेद्य हतिचा मुर्तीजेवी आशे अनेक नामदेवरायांच्या जीवनामधील प्रसंग सांगितले. नामदेव महाराजांचे अभंग दोन चरणापासून ते शंभर चरणांपर्यंत असल्याचे त्यांनी आपल्या कीर्तनामधून सांगून सर्व श्रोत्यांचे मन जिंकून घेतले. सर्व उपस्थित भाविक भक्त भजनाच्या आनंदामध्ये डोलू लागले. सर्व संतांच्या पुण्यतिथी श्री संत ज्ञानेश्वर महाराज संस्थान कमेटी व वारकरी सेवा संघ यांच्या संयुक्त विद्यमाने गेल्या 11 वर्षांपासून संपूर्ण महाराष्ट्रात सर्व संतांच्या मंदिरामध्ये साजरा होत असतात. याही पुढे संपूर्ण वाडी वस्ती, गाव या ठिकाणी सुद्धा सर्व भाविकांनी नामदेवराया अथवा सर्व संतांच्या पुण्यतिथी या मोठ्या भक्ती भावाने साजरे कराव्यात, असे महाराजांनी आपल्या कीर्तनातून सर्वांना मार्गदर्शन केले.

ज्ञानेश्वर माऊली चे भजन झाल्यानंतर हरिनामाच्या गजरामध्ये पुष्पवृष्टी करण्यात आली. त्यानंतर कीर्तनकारांचा श्री ज्ञानेश्वर महाराज संस्थान कमिटीच्या वतीने शाल श्रीफळ देऊन सन्मान करण्यात आला. ज्ञानेश्वर महाराज संस्थान कमिटीच्या भक्त निवास मध्ये सर्व भाविकांना महाप्रसाद वाटप करण्यात आला. श्रीरामकृष्ण वारकरी शिक्षण संस्था आळंदी या संस्थेतील सर्व गुरुजन मंडळी सर्व संतांच्या समाधी सोहळा व पुण्यतिथी ला उपस्थित राहून सेवा देत आहेत. कार्यक्रमास श्रीरामकृष्ण वारकरी शिक्षण संस्था अध्यक्ष मोहन महाराज शिंदे, विश्वनाथ चोरगे, कृष्णा कोलते, पवन लिंगायत, देवस्थानचे व्यवस्थापक माऊली वीर, मळाई देवी पंचक्रोशीतील भाविक मोठ्या संख्येने नामदेवरायांच्या सोहळ्याला उपस्थित होते.