Thane accident news : डंपरला मागून टेम्पोची धडक; विचित्र अपघातात दुचाकीस्वार ठार, तर दोघे जखमी

टायर पंक्चर झाल्याने थांबलेल्या डंपरला भरधाव वेगाने आलेल्या टेम्पोने मागून धडक दिली. याचदरम्यान त्या टेम्पोची दुचाकीलाही धडक बसून झालेल्या विचित्र अपघातात बाळकुम येथील रहिवासी दुचाकीस्वार वैभव डावखर (वय – 27) याचा मृत्यू झाल्याची घटना शुक्रवारी पहाटे पावणेचार वाजण्याच्या सुमारास घडली.

दरम्यान, या अपघातात टेम्पो चालक धर्मेंद्र यादव (वय – 40) आणि ब्ल्यू डार्ट कंपनीचे सुरक्षारक्षक सुनील बाकरे (वय – 38) असे दोघे जण जखमी झाले आहेत, अशी माहिती ठाणे महापालिका आपत्ती व्यवस्थापन अधिकाऱ्यांनी दिली. जखमींना उपचारांसाठी जवळच्या रुग्णालयात दाखल करण्यात आले आहे.

मिळालेल्या माहितीनुसार, ज्युपीटर रुग्णालय परिसरामध्ये हा अपघात झाला आहे. टायर पंक्चर झाल्याने चालकाने ट्रक रस्त्यात उभा केला होता. पहाटेची वेळ असल्याने टेम्पो चालकाला अंदाज आला नाही आणि भरधाव वेगातील टेम्पो ट्रकला धडकला. यावेळी मागून वेगाने येणारी दुचाकी टेम्पोवर आदळली. यात दुचाकीस्वाराचा दुर्दैवी मृत्यू झाला. या अपघातामुळे मुंबई-नाशिक महामार्गावरील वाहतूक काही काळ विस्कळीत झाली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.