‘नवरी मिळे हिटलरला’ फेम लीलाचा प्राण्यांसाठी खास व्यवसाय; सेलिब्रिटीही देतात भेट

झी मराठी वाहिनीवरील 'नवरी मिळे हिटलरला' या मालिकेला अल्पावधीतच खूप लोकप्रियता मिळाली. यामध्ये राकेश बापट आणि वल्लरी विराज यांच्या मुख्य भूमिका आहेत. अभिनयक्षेत्रात वल्लरी जरी नाव कमवत असली तरी याव्यतिरिक्त तिचा छोटा व्यवसाय आहे.

वल्लरीचं स्वत:चं पेट ग्रुमिंग सलून आहे. तिच्या या पेट ग्रुमिंग सलूनला मराठी कलाविश्वातील अनेक सेलिब्रिटीसुद्धा भेट देतात. 'बाथ अँड बार्क्स' असं तिच्या या पेट ग्रुमिंग सलूनचं नाव आहे.

मुंबईतल्या दादरमधील गोखले रोडवर वल्लरीचं हे सलून आहे. याठिकाणी अभिनेत्री सुकन्या कुलकर्णी यांनीसुद्धा त्यांच्या पाळीव मांजरीसोबत भेट दिली होती. मांजरीच्या ग्रुमिंगसाठी त्या वल्लरीच्या सलूनमध्ये पोहोचल्या होत्या.

वल्लरीच्या या पेट ग्रुमिंग सलूनमध्ये प्राण्यांची अंघोळ, त्यांचे केस कापणे, नखं कापणे यांसारखी कामं केली जातात. वल्लरीने इन्स्टाग्रामवर यासाठी एक वेगळा पेज तयार केला आहे.

या पेजवर तिने विविध फोटो आणि व्हिडीओ पोस्ट केले आहेत. काही व्हिडीओंमध्ये वल्लरी स्वत: पाळीव श्वानाला अंघोळ घालताना आणि त्याचं ग्रुमिंग करताना दिसून येत आहे.

'नवरी मिळे हिटलरला' या मालिकेतून वल्लरीला चांगलीच लोकप्रियता मिळत आहे. याआधी तिने काही मालिका आणि चित्रपटांमध्येही भूमिका साकारल्या आहेत.