कोपरगावच्या शुक्राचार्य मंदिरात सापडले भुयार

कोपरगाव बेटातील श्री शुक्राचार्य मंदिरात संवर्धनाचे काम सुरू असताना गाभाऱ्यावर एक तळघर सापडले आहे. हे तळघर नेमके कशा करता बांधण्यात आले होते याकडे सर्वांचे लक्ष लागले आहे. 12 बाय 12 जागेत सहा फूट उंचीची पोकळ जागा आढळून आली. बहुदा हे त्याकाळचे ध्यान मंदीर असावे असा अंदाज बांधला जात असल्याची माहिती मंदिर समितीचे अध्यक्ष बाळासाहेब आव्हाड यांनी दिली. हे तळघर पाहाण्यासाठी भाविकांची मोठी गर्दी होत आहे.

संजीवनी मंत्राचे जनक म्हणून प्रसिद्ध असलेले श्री गुरुशुक्राचार्य महाराज यांच्या पुरातन मंदरीच्या नुतनीकरणाचे काम सुरू असल्याची माहिती मंदिर अध्यक्ष बाळासाहेब आव्हाड यांनी दिली आहे. यावेळी सदर भुयार आढळले असल्याचे त्यांनी सांगितले. गाभाऱ्याची दुरुस्ती सुरु असताना सभामंडप भागात कोणी कधीही न पाहिलेली छोटी खिडकी आढळून आली. ती खिडकी उघडली असता संभामंडपाच्या गच्चीखाली 12 बाय 12 या जागेत सहा फूट उंचीची पोकळ जागा आढळून आली. बहुदा हे त्याकाळचे ध्यान मंदिर असावे असा अंदाज मंदिर वरीष्ठांकडून लावला जात आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.